Көшпелі қазақ халқы жаз жайлауға, қыс қыстауға қоныс аударып, мал жаюға ыңғайлана өмір сүргені белгілі. Ата-бабамыз бұл кәсіпке ерекше мән беріп, жесең - ас, мінсең - көлік, кисең - киім деп, төрт түлікті ғасырлар бойы тіршілігіне басты таяныш етіп келгендігі де, сондықтан. Мәселен, Ақсуат ауданы, Екпін ауылының тұрғыны Олжас Шаймарданов та, осынау жылдардан жалғасқан атакәсіпті жанына серік етіп, бірнеше адамды жұмыспен қамтып, ауданның ауыл шаруашылығына сүбелі үлес қосуда. Жалпы, ауыл шаруашылығы ел экономикасының драйверіне айналуы керек. Мемлекет басшылығы жүктеп отырған міндет те, осы.
Бұл тұрғыдан Олжас Шаймарданов аудандағы «Бархытбел-несие» несие серіктестігі арқылы, «Сыбаға» бағдарламасының игілігін көріп, төрт түлік мал тұқымын асылдандыруды мықтап қолға алған. «Қара малдың ішінде оңдысы да, қоңдысы да осы қазақтың ақбас сиырлары» дейді кәсіп иесі.
Әрбір отбасының бай-қуатты да, бақытты өмір сүруі, олардың еңбекқорлық, ағайын арасындағы ауызбіршілігімен де тығыз байланысты. Бүгінде Шаймардановтар әулеті, мәуелі бәйтеректей тамырын тереңге жайған, ауылға үлгілі жанұяға айналған. Осының бәрі, талай жылғы табан ет, маңдай тердің арқасы. Ауылына қарап азаматын таны демекші, ауданның әлеуметтік әлеуетін көтеретін де, Олжас секілді іскер азаматтар екені даусыз.
#ән
Мейрамбек Бесбаев - Біздің ауыл
Айқын Төлепберген - Туған жер
Нұрым Қуаныш - Ауылым
#күй
Асылбек Енсепов - Ұлы Жібек Жолы
Нұржан Тәжікенов - Сапар
#Ақсуат
#barhytbelnesie
#еңбекадамы