Te Deum laudamus: *
te Dominum confitemur.
Te æternum patrem, *
omnis terra veneratur.
Tibi omnes angeli, *
tibi cæli et universæ potestates,
tibi cherubim et seraphim *
incessabili voce proclamant:
Sanctus, Sanctus, Sanctus *
Dominus Deus Sábaoth.
Pleni sunt cæli et terra *
majestatis gloriæ tuæ.
Te gloriosus Apostolorum chorus, *
te prophetarum laudabilis
numerus,
te martyrum candidatus *
laudat exercitus.
Te per orbem terrarum *
sancta confitetur Ecclesia:
Patrem *
immensæ majestatis;
venerandum tuum verum *
et unicum Filium;
sanctum quoque *
Paraclitum Spiritum.
Tu rex gloriæ, Christe, *
Tu Patris sempiternus es Filius.
Tu, ad liberandum suscepturus
hominem, *
non horruisti Virginis uterum.
Tu, devicto mortis aculeo, *
aperuisti credentibus regna
cælorum.
Tu ad dexteram Dei sedes, *
in gloria Patris.
Judex créderis *
esse venturus.
Te ergo quǽsumus, tuis fámulis
súbveni, *
quos pretioso Sanguine
redemisti.
Æterna fac cum sanctis tuis *
in gloria numerari.
Salvum fac populum tuum, Domine,*
et benedic hereditati tuæ.
Et rege eos, *
et extolle illos usque in
æternum.
Per singulos dies *
benedicimus te.
Et laudamus nomen tuum in
æternum, *
et in sæculum sæculi.
Dignare, Domine, die isto *
sine peccato nos custodire.
Miserere nostri, Domine, *
miserere nostri.
Fiat, Domine, misericordia tua
super nos, *
quemádmodum sperávimus in te.
In te, Domine, speravi: *
non confundar in æternum.
La sacra funzione, cantata in Rito Ambrosiano Antico, è celebrata nella chiesa di Santa Maria della Consolazione - Largo Cairoli - MILANO
(MM1 - bus 61-50. tram 1-4-19).
INFO: ritoambrosianoantico.it/
FACEBOOK: / messatridentina
INSTAGRAM: / messatridentina